施艾敏-發燒杰倫

認識施艾敏 (Sammy)是從她個人首張發燒專輯<<呼吸我>> 開始. 唱片公司為Sammy選的歌大多是流行度高, 從10 歲都 60 歲都有 fans 的熱門歌.無他, 要在中國發燒市場打響名堂今時今日已有相當難度, 選一些永遠不會蝕章的作品是無可厚非. 難得的是 Sammy 沒有令製作人失望,整體水準十分不俗, 論歌喉她不及劉芳甜美可人, 也沒有陳潔麗的青秀,更不如李尤般不吃人間煙火, 但整體表現卻又不輸給任何一位.當中奧妙要靠聆聽者自己洞察了.
回說這張推出不久的{發燒杰倫},顧名思義, 所有歌曲都來自周杰倫, 裡頭重新演繹了多首 Jay 的大熱作, 包括開不了口,七里香,簡單愛等等. Sammy 的唱功確是無可置疑的,她會給你另一種有別於周杰倫式的捲舌唱法,增加了清新,自然及少女感. 而錄音方面就肯定勝過原唱, 因為這是中國發燒市場的看家本領,喜歡 Jay 歌的朋友實應該多作出其他嘗試,放開心情,輕輕鬆鬆細嘗這張<<發燒杰倫>>,說不定會給你意外驚喜.

Camera Obscura - Let's Get Out of This Country.

一張將會在 2006 年 6 月中發行的大碟. 假若一天你在 HMV 見到此碟, 請用你最光速的動作把它買回家, 然後慢慢品嚐. 相信我,它極有可能是你在 2006 年聽過最好聽的 CD.
Camera Obsura 其實是拉丁文, Camera = Latin for "room" , Obscura = Latin for "dark".
這是一隊 6 人樂隊, 來自 Glasgow,UK. 樂隊在 1996 年成立,至今大約出過2 隻大碟.
回說此張 Let's Get Out of This Country. 第一首歌便來個下馬威, 歌名叫 Lloyd, I'm Ready To Be Heartbroken. 如果你之前未聽過這隊 band 的話, 我好肯定一開始你便會被它吸引著. 輕快得有如行雲流水,主音 Tracyanne 利用她那天賦的 innocent voice 在你耳邊詠唱, 編曲細膩緊密,一邊聽,一邊你會發覺整個人的身體動作以至心跳脈搏都跟隨住拍子有節奏地晃動.一早起身返工想心情靚? 呢隻歌會幫到你.


再下來是整片 CD 的高潮所在 (個人認為) , 歌名叫 Tears For Affairs , 可以說, 任你用盡辭海裡所有中文字都難以形容此曲的美妙. 舒服得令人歎為觀止, 我肯定我的雙耳是被它寵壞了. 2006 年直至 5 月我聽過無數新歌( 是指我自己之前未聽過的),好聽的有很多, 令我著迷的也有好幾首, 但沒有一首能比得上 Tears For Affairs , 較為接近的是 Cardigans 的 overload, 但也要輸幾個馬位. 又是一首聽完之後心情大好的巨作, 買不到此 CD 的朋友死都要搵辦法聽聽呢首 Tears For Affairs. OK?


第三首歌叫 come back margaret, 聽到呢度, 你就會問, 點解佢地 d feel 咁 old fasion ? 事實佢地就係鍾意玩埋一 d 50s to 60s feel 0既野, 接受唔到經典呀媽呀爸年代西式音樂0既朋友可能就會就此關機. 但如果大家聽到佢當中0既悅耳, 相信你會同自己講, 一陣點都要返轉頭從頭再聽過..有冇咁勁 ? 冇錯, Camera Obscura 就係咁勁!


結尾一曲叫做 Razzle Dazzle Rose, 一隻好有 feel ,好有意境0既歌.呢隻歌大概可以作為 Camera Obscura 0既 trade mark, 或者係 signature. 每一位成功0既歌手必定有自己0既 signature, 簡單講即係你一聽之下唔使睇都知係邊個唱0既意思, 即係林子祥, 譚詠麟, Eason Chan... 基本上你聽下佢把聲就估到佢係邊個...又或者係林夕,陳輝陽呢 d ...又係好易估到...呢種固有0既氣息我叫佢做 signature. Razzle Dazzle Rose 注定係 Camera Obscura 私有財產, 因為冇第二位人兄能夠勝任呢首歌. 你, 又有冇自己0既 singature ? 冇就要檢討下喇, 因為呢個代表你自己0既 character, 你的個人獨有氣質是也!

recommend songs :
1. Lloyd, I'm Ready To Be Heartbroken
2. Tears For Affairs
3. Come Back Margaret
10. Razzle Dazzle Rose

試聽 : http://blackballoonmp3.blogspot.com/2006/05/camera-obscura-tears-for-affairs.html

The Cardigans --- Gran.Turismo

The Cardigans 的女主音一向是本人其中一位十分0岩聽的女聲, 歌聲中不帶半分俗套, 有時儼如夜鶯出谷, 劃破長空. 除了Nina Persson (vocal), 沒誰會在冷冷長夜給你一種如此入心入肺的悸動.
Gran Turismo 是他們其中一張大碟, 不知道此碟當年是否成功大賣, 但內裡卻有幾首風格迴異的歌最近強霸著我的馬蘭士膽機. 他們分別是 Explode, hanging arround, higher, Junk of the Hearts.

Explode 這首歌一出場便給人一種華麗堂皇的感覺, 讓人仿如置身於大劇院, 看著 60 年代的偉大愛情片, 雖然色彩是黑白的, 但場面絕對莊嚴.副歌的韻味, 就好像譜出一雙戀人生離死別的凄美, 教人為之動用.

hanging arround 是完全另一種感覺, 筆者多年前曾試過偶爾寫寫歌,玩玩琴, 當時自己寫的一首歌的開頭和此曲有幾分相似..老師說這方法是玩 pattern. 回說歌本身, 很有型,很米蘭,很新宿的一種味道. ok...合上雙眼, 幻想自己穿得有型無比, 走在最潮的一角, 吸引著眾多艷視目光, 就是 hanging arround 能給你的一切.

higher , 我想這是比較大路的一首必殺歌, 配合 Nina 一向極其懶散的嗓音, 緩緩唱著 take me higher, take me higher... 究竟有幾 high ? 真係要睇下當時聽者的心情, 因為有可能愈聽愈 down, 唔係講笑.

Junk of the Hearts 是本人在這張 album 的至愛 , 成首歌又係玩慢板,又係唱得懶懶散, 但 bass 音落得出奇地 "應" , 你會完全聽到成首歌最奧妙之處就是那一記 bass 音. 但那粒音符和整首歌甚至成隊 band 又竟然出奇地 "夾" ...喜歡聽英國 band sound , 英國 feel 0既朋友就必定受, 唔鍾意聽英國野
0既朋友從此要改過自身, 試下唔同類型0既音樂, 最終你會了解音樂係冇語言界限, 冇階級界限的一種奇妙生活元素.

最後重申, 以上是筆者對每一首歌的感覺, 並非代表歌裡面的意思. 還有,未經同意, 請勿轉載.這裡只是一個交流的空間, 不應亦不可存在任何商業及利益用途.

recommend : 03 Explode . 05 hanging arround . 06 higher 10. Junk of the Hearts